სქან მასქვამა – რესულ დინდარი(ფენექლიში)

მორდუ ლაზ მაბირეშ, რესულ დინდარიშ(ფენექლიში) მარგალურ ობირეშ.
ტექსტის გვარიან ჩილათირო რაგადანს, მარა მანგიორ თიჯგურა ჰამო ხონარით იბირს, გუგოჭყოლიდუანს ირფელს.
რესულ ჯგუ ”ქარმატე”-შ სოლისტ გოხოლუნა. წოხლედვალირ ობირეშ თე ჯგუფიშ ახალ ალბომშა ”ნანი”-შა რე მიშაღალირ.

ოჩამჩირე – თემურ ბოჯგუა & სოფო ჩხეტია

ჩქი დუგართუთ ოჩამჩირე,

უღურალეთ დუგართუთ…

პასტორალ(1975) – მარგალურ კინო

დუმადგუმუ რეჟისორ: ოთარ იოსელიანი
სცენარიშ ავტორეფ: ოთარ იოსელიანი, რევაზ ინანიშვილი, ოთარ მეხრიშვილი
დუმადგუმუ ოპერატორ: აბესალომ მაისურაძე
მახანტალ: ვახტანგ რურუა
ხონარიშ ოპერატორ: ეკატერინა პოპოვა-ევანს
მამონტაჟეეფ: ჯულიეტა ბეზუაშვილი, გულნარა ომაძე, ცისანა ციხისელი
მაკათურეფ: ნესტორი ფიფია, რევაზ ჭარხალაშვილი, ლია თოხაძე-ჯუღელი, მარინა ქარცივაძე, მაია მაცაბერიძე, ვახტანგ ერემაშვილი, თამარ გაბარაშვილი, ნუკრი დავითაშვილი, მიხეილ ნანეიშვილი, ნანა იოსელიანი, ლერი ზარდიაშვილი, ქსენია ფიფია, პავლე რუხაია, ა. წოწონავა, ჯ. აბრამოვი, ვ. ქარდავა, ზ. თოფურია, ა. კვაშილავა, ძ. ლიპარტია, ტ. კვაშილავა, ჯ. ლიპარტია, ა. გადელია, მ. გიორბელიძე, გ. ქარდავა, თ. თოდუა, ფ. ქარდავა, ვ. ლიპარტია, ს. ქარდავა, გ. ციმინტია, რ. ქარდავა

ფილმის გიმორინაფილ რე ფრაგმენტეფ ფ. კუპერინიშ დო იოჰან ბრამსიშ მუსიკალურ ნახანდეფშე

”პასტორალ” გოხოლუნა შინელ ქორთუ რეჟისორიშ, ოთარ იოსელიანიშ 1975 წანას გინოღალირ კინო. მუჭოთ კინემატოგრაფიულ ხანდან, ”პასტორალ” უმკუმიზამფ რე დო თეშ გეშა 1982 წანას ბერლინიშ კინოფესტივალს ”ფიპრესიშ” პრიზ ხოლო ქააფუ ენაჭოფა. მარა ჩქინ გიშაკერზაფილ თოლჸუჯიქ თიშენ ხვადუ თე კინოს, ნამდა თინა გოხოლუნა მაართა მარგალურ ფილმი.

ფილმი ზარხულს სამარგალოშ ართ ოფუტეშა მულირ კვარტეტიშ დო თინეფიშ მენძელ ოფუტარეფიშ ართმაჟირაწკუმა რინაშ ამბეს გინოჩანს დო თე სიუჟეტურ ფონიშ მეჯინათ კოჩეფიშ ართიანიშ მერინაშ დო გაღაშ მორალურ პრობლემეფს წიმოჭკირუნს. არძა პერსონაჟ ადამიშ სქიშ უკონტაქტობა დო გოთიშილობაშ ნარღით რე გურალაძღვანძღვილ, თინეფიშ შურს მოჯგირე დო მოხუჯურიშ ჸოროფა ვა ალეპალუ. ფილმის გუმოარგამაფილ რე წკუნწკალა, მუჭოთ ნარკიერობა დო ნერჩი შხვა კოჩობურ დონთხაფილობაშ.

კინოშ გიმოხარგუა

ლაზურ ტელევიზია გითმინწყუმუ!

ჩქინ მოსანძღე თურქეთის, სოდეთ ოშიანთასობათ ჩქინ ჯიმა ხალხი, ლაზეფ სქიდუნან, ჭახან ქორე სპეციალურ კანონიშ გეშა ქურთულ ტელევიზია რე დორსხუაფილინ დო 24 საათიშ მალობას ქურთულ ნინაშა გინმოჩანს.
ჩქინ ლაზ ჯიმალეფს ხოლო გურქ აჸუეს თურქეთიშ დუდ ტელევიზიაშ TRT-შ ფორმატით ლაზურ ნინაშა მაუჭყაფალობაშ გედგუმაშა. თეშ გურშენ ლაზურ კულტურაშ ასოციაციაშ დუდალათ ასოციაციაშ აქტივისტეფქ ობიშხას, 16 იანარს ანკარას, TRT-შ დუდ ოფისიშ წოხლე გეკიშაყარეს დო ლაზურ ნინაშა მაუჭყაფალობა მითხიის. ტელევიზიაშ უნჩაშალას ხოლო ოფიციალურ ნაჭარა გეგნოჩეს.
ანწი ირფელ ღორონთიშ მენდო რე. თეშიე საქვარ, ნამდა მემჩქუნანდა ქიმეჩანა ლაზეფს ლაზურ ტელევიზიაშ გონწყუმაშ ნებას დო ეშ უმოს ოხიოლე ვეჸუაფ მუთუნ. ჩქი ხვალე თინა მოსქიდუნა შურდოგურით ალუდირთათ ჩქინ ჯიმალეფს, ჭოროხიშმელენ მარგალეფს!

ქირსე დო ახალ წანას მიგახვამანთ!

ამარ ქიმკიკვალ დო ქიმკოდინ 2008 წანაქ.
წანაქ, ნამუქუთ ლიმაშ მოზისხირელ პიჯი ხოლო ართშახ ქომოძირეს.
მივაზადუთ ახალ 2009 წანას.
ახალ იმენდეფით,
ახალ ზალამეფით,
ახალ ჭყანათ.

ჩქინ საჸოროფო და დო ჯიმალეფ, ნანალეფ დო ბაბალეფ, სქუალეფ,
”მარგალურ მედია” არძოს მიგახვამანა მინმალ დღახუეფს: ქირსე დო ახალ წანას.
ღორონთიშ მარდით ჩქინ ლიმაშ, უბადობაშ, უღვენობაშ გეშა წყანწყილ გური თე ახალ წანას ქეუქექუაფუდას დო გუსინთუაფუდას.

თქვან ფანიეფიშ ბედინერ მაკუჩხურ ჸოფედას ”მარგალურ მედია”….

კლიპიშ გიმოხარგუა Download File

http://rapidshare.com/files/176979178/2009.flv.html

ჩქინი სამურზაყანო

სამურზაყანო.

კუნთხუ ნამუთ ხეშე გეგიწომიტყაბარეს.

კუნთხუ ნამუთ მონატრუნა დო ნამუშა ვა დუმართინენა.

კუნთხუ სოდე ჯვეშეფ მინთხორუნა, დო თანაფას თინეფიშ ოფულეშა ღვინ ვა გინმაჩხაპენა დო ჭითა მარქვალ ვა გინმაკერკელენა.

მარა თენა უბადო თონწყუ რე.

გოთანდუ, გუმათანე გელაველუნს ელახშე დო ჩქი დიფრთუთ.

მალას!

ქოგიჩინი

P.S.-იშ საონჯღორო რეპორტაჟ ზუგდიდიშ გურშენ

ვაი ახავაი ჩქინ ცოდა!

ბადრი ხონელიძე – ქორთულ ბირა ზუგდიდშენ

ეთერ კაკულია & ჯაბა ბოჯგუა – ასე ჩონგურ ქოფთქუათ

]